پير پرڏيهي: سيد ابراهيم شاهه معروف پير پرڏيهي بلڙيءَ جو رهاڪو وڏو ولي، عامل ۽ صاحب ڪرامت (بزرگ) ٿي گذريو آهي، جنهن جي قبر بلڙيءَ ڀرسان واقع آهي، مير علي شير قانع ”تحفة الڪرام“ ۾ پير پرڏيهيءَ سان وابسته هڪ واقعو لکيو آهي، جيڪو عقل کان بعيد آهي، جنهن ۾ هن ڄاڻايو آهي ته هن بزرگ جي مزار ڀرسان گهاٽا وڻ هوندا هئا، جن جي پنن کي هٿ لائڻ سان ماڻهو ۽ ساهوارا مري ويندا هئا، پر شاهه ڪريم جي دعا سان اهو عمل بند ٿي ويو. سيد ابراهيم شاهه معروف پير پرڏيهي جي مزار بلڙيءَ جي ڳوٺ جي آسپاس آهي.